Ана холос! Буни ким ҳам ўйлабди дейсиз?! КПР бугун майдонда ҳақиқий "тентаклик" қилишига оз қолган эди. Бироқ сўнгги дақиқаларда урилган икки гол барчасини ўзгартириб юборди! АПЛ бош соврини "Сити"га насиб этди!
"Сити" ўз уйида КПРга имкониятни бой бериб қўйиша оз қолди. Улар сўнгги дақиқаларгача ҳисобда ортда бордилар. Бироқ улар ҳакам томонидан қўшиб берилган дақиқаларда икки гол уриб, чемпионликни нақд қилишди. Бироқ бунга ҳалигача ишонгиси келмайди кишининг...
"МЮ"нинг чемпион бўлиши учун эса "Сандерленд" дарвозасига урилган биттагина гол кифоя қилмади. Бутун мавсум давомида жамоани ўз орқасидан эргаштирган Руни жамоасининг ушбу мавсумдаги сўнгги голини урди. Бироқ "иблислар"га чемпион насиб этмади.
"Сити" чемпион! Бу мўжиза! Сўнгги дақиқада икки гол! Яйра Манчестер, йиғла Манчестер! "Сити"нинг барча мухлисларини чемпионлик билан табриклаймиз, "МЮ" мухлисларига эса сабр тилаймиз...
Англия чемпионати, 38-тур
"Манчестер Сити" – КПР — 3:2
Голлар: 1:0 - Сабалета (39), 1:1 - Сиссе (48), 1:2 - Мэкки (66), 2:2 - Джеко (90), 3:2 - Агуэро (90).
Манчестер Сити: Жо Харт, Сабалета, Компани, Лескотт, Клиши, Яя Туре (Н. де Йонг, 45), Бэрри (Джеко, 69), Сильва, Насри, Агуэро, Тевес (Балотелли, 76).
КПР: Кенни, Онуоха, Хилл, А. Фердинанд, Тайво, Мэкки, Дерри, Райт-Филлипс, Бартон, Замора (Ботройд, 76), Сиссе (А. Траоре, 59).
Огоҳлантиришлар: Ботройд (77).
Четлатиш: Бартон (55).