17:39:27 Криштиану Роналду: Биз бу йил «Барселона»дан кучлимиз | |
 Мадриднинг "Реал" клуби ҳужумчиси Криштиану Роналду Испания чемпионатининг 20 турида "Атлетик" клубига қарши ўтказилган учрашув борасидаги фикрларини билдираркан, ҳақли равишда чемпионликни қўлга киритганларини айтиб ўтди.
"Мен бениҳоя бахтлиман! Бу менинг Испаниядаги биринчи чемпионлик совриним. Жуда ҳаяжонли воқеа. Барчамиз жуда хурсандмиз. Биз бу нарса учун ўн ой кураш олиб бордик. Бу вақт оралиғида мунтазам равишда қақшатқич кураш борди. "Барселона"дек жамоага қарши кураш олиб борар экансиз, чемпионликни қўлга киритиш янада оғир бўлади. Шундай экан, уни ортда қолдириш икки баробар ёқимлироқ бўлади. Биз бу йил "Барселона"га қараганда кучлироқ ўйин намойиш қилдик. Мен учун чемпионлик соврини энг муҳим нарса. Менинг уйимда иккита "Олтин бутса" бор. Агарда уни яна бир бор қўлга киритсам яхши бўларди, албатта. Аммо бу йил уни олмасам ҳам ҳеч қандай қаршилигим йўқ", дейди Роналду. | |
|
| |
| Всего комментариев: 0 | |