08:41:51 "Одноклассники" - ўзбек тилига ўгирилмоқда | |
 24 апрель Интерконтиненталь меҳмонхонасида Одноклассники ижтимоий тармоғининг пресс-конференцияси бўлиб ўтди. Энди Ўзбекистон аҳолиси мазкур тармоқдан она тилида фойдаланишлари мумкин - мобил версия аллақачон ўзбек тилига таржима қилинган, яқин ойларда эса асосий сайт ҳам маҳаллийлаштирилади.
Ҳозирда Одноклассникининг кундалик аудиторияси 1 миллиондан ортиқ кишини ташкил қилиб, фойдаланувчилар сони соат сайин ошмоқда. Бунда фойдаланувчиларнинг аксарияти (77%) телефон орқали rn.odnoklassniki.ru. мобиль версиясини юклаб, дўстлари билан мулоқот қилмоқдалар. "Ўзбек тили Ўрта Осиёда Одноклассники таржима қилган биринчи тил бўлди. Асосий сабаби шундаки, биз фойдаланувчиларимиз учун энг қулай шароитларни яратишга ўрганганмиз – деб изоҳ берди Mail.Ru Group Ижтимоий тармоқлар бизнес бўлинмасининг маркетинг ва стратегик коммуникациялар бўйича директори Изряднов Александр. Одноклассникини маҳаллийлаштириш икки босқичда амалга оширилади: мобиль версиядан аллақачон ўзбек тилидан фойдаланилмоқда, яқин кунларда тармоқнинг асосий сайти ҳам бутунлай таржима қилинади. Шунингдек яқинда Android, iOS, Windows Phone, Symbian операция платформалар учун иловалар ҳам таржима қилиниб, ўрнатиш учун тақдим қилинади. 100% Mail.Ru Groupga тегишли бўлган Одноклассники лойиҳаси энг машҳур Россия ижтимоий тармоғидир. Сайтнинг кундузги аудиторияси 33 миллиондан ортиқ одамни ташкил этади. | |
|
| |
| Всего комментариев: 0 | |